કાકડીમાં સિલિકાની ભરપૂર માત્રા હોય છે, જે તમારા વાળ અને નખ માટે ઉત્તમ છે. તે બરડતા સામે રક્ષણ આપે છે અને નખને મજબૂત કરવામાં મદદ કરે છે.
કાકડીમાં પાણી ભરપુર માત્રામાં હોવાથી શરીરના ઘણા મહત્વપૂર્ણ કાર્યો માટે જરૂરી છે, તે તાપમાનને નિયંત્રિત કરવા અને નકામા પદાર્થોને દૂર કરવા માટે જરૂરી પ્રક્રિયાઓ હાથ ધરવા માટે જરૂરી છે.
કાકડી અનેક રીતે વજન ઘટાડવામાં મદદ કરવાની ક્ષમતા ધરાવે છે. તેમા કેલરીની માત્રા ઓછી હોવાથી તમારું વજન વધતું નથી.
કાકડી પરના એક અભ્યાસમાં જાણવા મળ્યું કે કાકડી અસરકારક રીતે લોહીમાં શર્કરાના સ્તરને ઘટાડે છે અને નિયંત્રિત કરે છે એટલે કે ડાયાબિટીસ અને લૉ બિ.પી (બ્લડ પ્રેસર)ને નિયંત્રિત કરવામાં મદદરૂપ બને છે.
કાકડીમાં રહેલા દ્રાવ્ય ફાઇબર (કુદરતી રેસા) આપણા પાચનને ધીમું કરવામાં મદદ કરે છે. વધુમાં, કાકડીમાં પાણીની ઉચ્ચ માત્રા કબજિયાતને દુર કરવામાં મદદરૂપ બને છે.
કાકડી સુંદરતા વધારવા માટે તેમજ ચામડી માટે ઉપયોગી છે. ચામડી પર તેની અસર ઝડપથી થાય છે. કાકડીનો રસ ચામડી પર લગાવવાથી મુલાયમ અને ચમકદાર બને છે.
કાકડી ફાઈબર, મેગ્નેશિયમ અને પોટેશિયમનો ઉત્તમ સ્ત્રોત છે, એટલે આ પોષક તત્વો બ્લડ પ્રેશર ઘટાડી શકે છે અને હૃદય રોગનું જોખમ ઘટાડે છે.
